• Sat. Jun 22nd, 2024

Amihad.com

Number 1 Financial Education and Tech Blog

Yadda Wata Budurwa Ta Rataye Kanta Saboda Auren Dole A Kano

ByLucky Murakami

Aug 11, 2022

Rundunar ‘yan sandan jihar Kano ta ce tana ci gaba da bincike kan dalilin da ya sa wata budurwa mai shekara 17 ta rataye kanta a kauyen Garin Dau da ke karmar hukumar Warawa a jihar.

Rahotanni sun bayyana cewa mafi akasarin mazauna kauyen sun zargi cewar budurwar ta rataye kan nata ne bisa auren dole da iyayenta ke shirin yi mata.

Sai dai iyayen nata sun musanta wannan zargi, inda suka ce ba ta kammala makarantar sakandare ba, balle a yi maganar aurar da ita.

Faruwar lamarim dai ya ya zo wa mazauna yankin da mamakin sakamakon yadda da dama daga cikin mutanen kauyen ke bayyana budurwar da kyawawan dabi’u.

Kwanaki biyu ke nan da rasuwar matashiyar mai shekaru 17 da ke aji biyu a makarantar sakandare, wadda aka tarar da gawarta a rataye kuma ana zargin ita ta rataye kanta.

Kakakin ‘yan sandan Kano, ya shaida cewar sun samu labarin faruwar lamarin, kuma suna bincike kan lamarin don gano shin budurwar ce ta rataye kan nata ko kuma akasin haka.

A shekarun baya dai an sha samun rahoton kashe kai da ‘yan mata ke yi kan auren dole.

Lamarin da ya sanya malamai suka shiga jan hankali da yin wa’azi ga iyaye da kuma su kansu ‘ya’yan kan matsalar da ke tattare da auren dole.

 

Da Da Uba Sun Mutu Yayin Yashe Rijiya A Kano

Wani dattijo mai shekara 60, Malam Bala da dansa, Sunusi mai shekara 35, sun rasu a wata rijiya da ke Sabon Garin Bauchi, a Karamar Hukumar Wudil a Jihar Kano, a lokacin da suke aikin yasar rijiyar.

Wata sanarwa da kakakin Hukumar Kashe Gobara ta jihar, Alhaji Saminu Abdullahi, ya fitar a ranar Laraba ta ce lamarin ya faru ne da safiyar Talata.
Ya ce: “Mun samu kiran gaggawa daga ofishin kashe gobara na Wudil da misalin karfe 11:30 na safe daga wani Isma’ila Idris, cewa wasu mutum biyu sun makale a cikin rijiya.

“Nan take muka aika da tawagarmu zuwa wurin da abin ya faru.

“An kira wani mutum da dansa domin su yashe wata rijiya, sun yi nasarar yashe ta.

“Amma, dan ya koma cikin rijiyar ya share ta a lokacin da ya makale ya kasa numfashi.

“Mahaifinsa ya bi shi don ceto shi, inda shi ma ya makale ya kasa numfashi saboda rashin iskar a cikin rijiyar”, cewar Abdullahi.

Ya ce duk da haka an fito da wadanda abin ya shafa daga rijiyar a sume kuma daga baya aka tabbatar da mutuwarsu.

Abdullahi ya ce an mika gawarwakinsu ga jami’in dan sanda na ofishin ’yan sanda model da ke garin Wudil, Felix Gowok.

By Lucky Murakami

A savant on system network security and information technology with adept leadership skills.

Leave a Reply

Your email address will not be published. Required fields are marked *