Kamar yadda mutane da dama suke mika kokensu lokuta da dama akan ya kamata hukuma tayi wani abu akan lamarin wadannan matasan mawaka.
Hakan yasa wasu har bidiyo sukai domin nuna rashin jin dadinsu na hadakar wadannan matasan mawaka wanda wasu suke cewa bai kamata Mr 442 da abokanansa su dauki yarinya karama kamar Safara’u su ajiyeta a dakin otal suna aikin waka tara.
Wanda wasu mutane sunyi kokarin yiwa iyayen ita wannan yarinya SAFA da su duba lamuran yarinyar nan sannan su kuma Mr 442 da sauran wanda suke tare akayi ta musu nasiha da suji tsoron Allah.
Bai kamata ace sun dauki yarinya karama tabar gidan iyayenta hakan ya sabawa shari’a wanda wasu suke bada misali na cewa ai suma suna da kanne, shin zasu so suga anyi ma nasu haka?.
Idan baku manta ba shafin amihad.com a baya ya kawo muku yadda Wata Uwa Ta Gari Ta Yiwa Safa Safara’u Nasiha Akan Abinda Take.
Sai dai kuma labarin da muke samu a yammacin yau tabbas ya dauki hankalin mutane inda muka samu sanarwa kamar yadda zamu gabatar muku a kasa.
Muna Neman Safara’u Da Mr 442 Ruwa A Jallo, Cewar Shugaban Hukumar Tace Finafinai Na Jihar Kano.
Labarin da muka samu shine a wata tattaunawa da shugaban hukumar tace finafinai na jihar Kano, Isma’il Na’abba Afakallu yayi da majiyarmu, jaridar SARAUNIYA NEWS ya bayyana cewar, yanzu haka neman Safara’u suke yi ruwa a jallo ita da mawaƙi Mr 442.
Ya ƙara da cewa yanzu haka sun arce sun yi ƙaura daga jihar Kano, domin dokar jihar ba za ta ba su damar yin abinda suke so na ɓata tarbiyya ba.
Hakika wannan labari ya sanya mutane maida martani iri-iri akan faruwar wannan lamari sai dai kuma wasu suna cewa maganar a kama wadannan mawaka bata taso ba.
Shin me zaku ce akan faruwar wannan lamarin?